» » » Италияда коронавирус юқтирганлар сони 10 мингдан ошди


Италияда коронавирус юқтирганлар сони 10 мингдан ошди

Италияда коронавирус юқтирганлар сони 10 мингдан ошдиИталияда коронавирус юқтирганлар сони 10 мингдан ошди


Италия Фуқаролар ҳаётини ҳимоя қилиш миллий хизмати раҳбари Анджело Боррелли мамлакатда коронавирус билан касалланганларнинг умумий сони 10 минг кишидан ошганини маълум қилди. Бу ҳақда Kazinform ANSAга асосланиб хабар беради. Боррелли коронавирус қурбонлари сони 631 кишини ташкил қилганини, бу душанба кунгидан 168 тага кўплигини маълум қилди. «Ҳозирги кунда COVID-19 вирусини юқтирган 8 514 киши касалхонада, 1004 киши даволаниб чиқди», - деди у. Борреллининг сўзларига кўра, коронавирус билан касалланган яна 877 бемор эса реанимация бўлимида ётибди. Ўлимнинг 45 фоизи 80 дан 89 ёшгача бўлганлар, 32 фоизи 70 ёш, 14 фоизи 90 ёшдан ошганлар, 8 фоизи 60 ёшда, 2 фоизи 50 ёшдан 59 ёшгача бўлганлар орасида кузатилмоқда. Мамлакат ҳукумати ўтган йил охирида биринчи марта Ухан шаҳрида (Хитой) топилган янги вирус тарқалишини тўхтатиш учун қаттиқ чоралар кўрмоқда. Италия аҳолисига кераксиз саёҳатлардан воз кечиш ва шошилинч эҳтиёж бўлмаган ҳолларда уйларини тарк этмаслик тавсия этилади. Бундан ташқари, Боррелли мухолифат лигаси етакчиси Маттео Салвинининг «ёпилиш» чақириғидан кейин чораларни кучайтириш мумкинлигини истисно қилмади. «Менимча, масалани тўлиқ кўриб чиқиш ва текшириш керак», - деди Боррелли матбуот анжуманида.

 


Комментариев: 0
Добавить комментарий