» » » Самарқандда инспекторга пора таклиф қилган шахс қўлга олинди


Самарқандда инспекторга пора таклиф қилган шахс қўлга олинди

Самарқандда инспекторга пора таклиф қилган шахс қўлга олинди2019 йилнинг 16 апрель куни соат 16.00лар атрофида М39 йўли, яъни Тошкент-Термиз йўли бўйлаб ҳаракатланиб келаётган ВАЗ 2106 русумли транспорт воситаси вилоят ИИБ ЙХХБ ЙПХБ 1-отряд ЙПХ инспектори томонидан тўхтатилиб, текширилганда ҳайдовчида зарурий ҳужжатлар мавжуд эмаслиги аниқланади, деб хабар бермоқда вилоят ҳокимлиги ахборот хизмати. Натижада автомашина жарима майдончасига жойлаштирилиб, зарурий текширувдан ўтказилади.

 

Транспорт воситасини бошқариб келаётган Р.Ю. инспекторга машинани жарима майдончасидан чиқариб бериш эвазига 500 000 сўм пул таклиф қилади. Шунингдек, ҳайдовчи текшириш жараёнида автомашина салонида аниқланган 30 грамм сариқ металлдан ясалган қиммабаҳо буюмларнинг кимга тегишли эканини билмаслигини айтади. Инспектор мурожаатидан сўнг пора сифатида берилмоқчи бўлинган пул ва қимматбаҳо буюмлар ашёвий далил сифатида олиниб, вилоят ИИБ ЖКБ ходимлари билан ҳамкорликда суриштирув ишлари олиб борилди.

 

Мазкур ҳолат юзасидан Самарқанд шаҳар прокуратураси томонидан фуқаро Р.Юга нисбатан жиноят иши қўзғатилиб, дастлабки тергов ҳаракатлари олиб борилмоқда.

zarnews.uz

Комментариев: 0
Добавить комментарий